Magari matatu yatumika kumshusha "LISSU"

-



MWANASHERIA Mkuu wa Chama cha Demokrasia na Maendeleo (Chadema) na Mbunge wa Singida Mashariki, Tundu Lissu amekamatwa jana katika Mahakama ya Hakimu Mkazi Kisutu, Dar es Salaam na kupelekwa Kituo Kikuu cha Polisi.
Lissu alikuwapo mahakamani hapo asubuhi kwa ajili ya kusikiliza kesi ya uchochezi inayomkabili yeye pamoja na wahariri wa gazeti la Mawio ambao ni Mhariri wa gazeti hilo, Simon Mkina, Jabir Idrisa na mchapishaji wa Kampuni ya Jamana, Ismail Mehboob.
Washitakiwa hao wanaodaiwa kuchapisha taarifa za uchochezi zenye kichwa cha habari kisemacho ‘Machafuko yaja Zanzibar’. Licha ya kesi hiyo kuahirishwa hadi Alhamisi wiki hii, Lissu alikuwa anamwakilisha mfanyabiashara Yericko Nyerere, anayekabiliwa na mashitaka ya uchochezi iliyopo mbele ya Hakimu Mkazi Mkuu, Wilbard Mashauri.
Baada ya kutoka mahakamani hapo, Lissu akiwa nje ya mahakama alikuwa akizungumza na mwanasheria mwenzake, Peter Kibatala ambapo baadaye aliingia kwenye gari lake lenye namba za usajili T 216 DHH.
Wakati akitaka kutoka mahakamani hapo, gari la polisi lenye namba RX04 EZN aina ya Land cruiser lilimzuia kupita getini huku gari lingine la Polisi lenye namba za usajili T 475 BNM lilimzuia kwa nyuma likiwa na askari wenye silaha.
Pia nje ya geti la mahakama hiyo, kulikuwa na gari lingine lenye namba za usajili T 424 BZN na kufanya idadi ya magari yaliyomzuia Lissu kuwa matatu ambapo baadaye askari walishuka na kumweka chini ya ulinzi huku wakimtaka ashuke apande gari lao ili kwenda Kituo Kikuu cha Polisi.
Katika mahakama hiyo, Lissu anakabiliwa na kesi zaidi ya tano ambazo zote ni za uchochezi, na mwisho alipandishwa kizimbani Julai 24, mwaka huu. Kaimu Kamanda wa Polisi wa Kanda Maalumu ya Dar es Salaam, Lucas Mkondya alisema hana taarifa za kukamatwa kwa mbunge huyo.
Wakati huohuo Mbunge wa Bunda, Ester Bulaya (Chadema) amepokewa katika Hospitali ya Taifa ya Muhimbili juzi saa tano usiku akitokea hospitali ya rufaa ya mkoa wa Mara na amelazwa katika wodi namba 18 Sewahaji baada ya kuzidiwa akiwa Kituo Kikuu cha Polisi cha Tarime.

Comments

Post a Comment

Popular posts from this blog

Kanuni za kuishi na Watu / Binadam Vizuri

-
Mojawapo ya mambo muhimu katika mafanikio ya aina yoyote maishani ni kupata msaada wa aina Fulani kutoka kwa watu wengine. Mtu hawezi kufanikiwa bila msaada wa watu,kwa maana hakuna mtu anayejua kila kitu/jambo na anayeweza kufanya kila kitu Duniani.  Kwa namna yeyote ile mtu anahitaji msaada wa wengine. Hivyo ili kupata msaada wa wengine ni lazima kujua namna ya kuishi na watu vizuri.Ingawa siyo rahisi kumpendeza kila mtu, lakini watu wengi utaishi nao kwa amani. Zifuatazo ni KANUNI na MBINU mhimu za kuishi na watu vizuri. 1: Uwe na tabia ya kupenda watu kwa moyo wote,hali kadhalika na wewe watakupenda. 2: Heshimu kila mtu na kila mtu umwone ni muhimu sana na wa maana. 3: Usimdharau mtu yeyote kutokana na hali yake,hata akiwa ni masikini ,hakuelimika,hana cheo cha       juu na kadhalika. 4: Uwe mtu wa furaha na tabasamu unapokutana na watu. 5: Uwe mcheshi na mtu ambaye watu wanafurahi kuwa nawe. 6: Usipende kulaumu watu na kama utalaumu mtu,tumia njia nzuri na ya up...
Read more

SAIKOLOJIA : PATA KUFAHAMU MAKUNDI MANNE YA TABIA ZA BINADAMU.

-
Image
Wataalam wa mambo ya saikolojia na maumbile wamezisoma tabia mbalimbali za binadamu na hatimaye wamewagawanya binadamu katika makundi makuu manne yenye kategoria kuu mbili. Kategoria hizo ni      Introvant: watu wenye uwezo mkubwa kiakili na wanaotafakari mambo kwa kina                  hapa kuna makundi mawili 1. Melancolin              2. Fragmetic 2.      extrovants: wana uwezo wa kawaida kiakili na hawana tafakari za kina katika mambo yao Hapa kuna makundi mawili 1.  Sanguine           2. Colerick Na sasa tuangalie tabia za kila kundi na mienendo yao 1.MELANCOLIN Watu wa kundi hili (females and males) wana sifa zifuatazo -wana uwezo mkubwa kiakili (high intelligence Quotient) -ni wagunduzi wa mambo makubwa ya kisayansi -wanam...
Read more

Chanzo cha saratani ya matiti

-
Image
Hakuna kitu kingine kizuri kama mwili wa mwanamke kwakuwa unaweza kuleta kiumbe binadamu kingine. Mwili wa mwanamke unazo ovari ambazo hutengeneza mayai na homoni maalumu ambazo hudhibiti mwili wake wakati wa ujauzito kuanzia wakati yai linaporutubishwa mpaka mwishoni mwa wastani wa miezi tisa (wakati wa kujifunguwa). Mfumo huu maalumu huanza kazi mara mwanamke anapoanza mzunguko wake wa uzazi (mzunguko wa hedhi). Kwa wastani kila siku 30 ovari zake zitazarisha yai na kuliweka katika mfumo wake wa uzazi likisubiri kurutubishwa. Wakati yai hili limetolewa, mwili wake utaanza kujiandaa kwa uwezekano wa kupata mtoto. Mfuko wa uzazi (uterus) utaanza kubadili uundwaji wake wa seli kwa kuandaa uwezekano wa kukishikilia kijusi (fetus) baada ya yai kurutubishwa. Wakati yai litakapokuwa limerutubishwa ovari zake (mwanamke) zitachukuwa majukumu ya mwili wake na kuhakikisha kuwa kijusi kinapata kile kinachokihitaji ili kuishi. Ubongo wa mwanamke pia huathiriwa kutokana na kutolewa kwa homoni ...
Read more